Нягледзячы на суровы мароз, завірухі, кароткія зімовыя дні, на зіму прыпадаюць і гарэзлівыя забавы, і багатыя сваёй паэтычнасцю абрады. Насамрэч супярэчанняў няма: новы год пачынаецца закліканнем будучага дастатку. Прагназуецца ўраджай, і ягоная дастача будзе напрамую залежаць ад таго, як прайшлі Каляды.
Раство Хрыстова, Багаяўленне, Стрэчанне – буйныя царкоўныя святы прыпадаюць на зіму, пазначаючы шляхі зямнога жыцця Ісуса Хрыста, ягоныя пропаведзі сярод людзей. Памяць Хрыстовых паслядоўнікаў, жыцце якіх стала прыкладам для соцен тысяч хрысціян, таксама адзначана зімовымі месяцамі: Мікола Цудатворац, Варвара, Улас, Харлампій, Ганна, Зосім і шмат іншых, як дыяманты, упрыгожваюць царкоўны каляндар сваім духоўным вопытам.
На выставе прадстаўлены іконы стараабрадскага і народнага пісьма, абрадавыя комплесы “Раство” і “Вадохрышча”, зімовыя пейзажы і цудоўныя прыклады традыцыйнага ткацтва.
Выстава пройдзе ў філіяле Веткаўскага музея народнай творчасці(плошча Леніна, 4)
з снежня па сакавік.
Падрыхтавала Алеся Сiльчанка
Па iнфармацыi Філіяла Веткаўскага музея народнай творчасці імя Ф.Р. Шклярава
При копировании материалов ссылка на сайт обязательна.
Просмотров: 208
